• #Cycle 1
• #Cycle 2

De Waasserkreeslaf erkläert fir déi Jéngsten

1. Waasser besteet aus ville klenge Waasserdrëpsen. Eis Sonn erwiermt mat hire Stralen eis Äerd an dobäi och dat villt Waasser an de Séie, Baache, Flëss an och dem Mier. Duerch d’Hëtzt léisen sech déi kleng Waasserdrëpse vuneneen a ginn zu ganz klengen Drëpsen a wanderen als Waasserdamp no uewen. Dat nennt ee Verdonsten.Ganz vill Waasser verdonst iwwert de Mierer.

2. Déi kleng Waasserdrëpse fléien a Richtung Himmel a treffen sech do, fir Wolleken ze maachen. D’Wolleke gi mat all mini Drëps déi dobäi kënnt méi grouss. De Wand bléist d’Wolleken a si fléien ronderëm. Iergendwann sinn d’Wolleken immens grouss an déck.

3. Da fänkt et iergendwann aus hinnen un ze reenen oder ze schneien. Da falen d’Drëpsen als Reen oder Schnéi nees op d’Äerd.

4. Op der Äerd treffen d’Drëpsen sech a ginn an de Buedem, eng Baach oder e Gewässer.

5. Elo wanderen se nees zesummen als Gewässer e Richtung Mier, bis se nees emol vun der Sonn gekëddelt ginn an sech op de Wee an den Himmel maachen, wou si sech nees als Wolleken treffe bis déi dann déck sinn an et reent.

Dat ass de Kreeslaf vum Waasser.